Fins dimenge 29 de julhet, la vila de Rodés aculhirà l’Estivada, un dels eveniments màgers de la cultura occitana. Ongan se i debanarà tanben lo festenal de cinèma occitan 'La Llanterna Digital'.
Dins la Val de Borran i trobarem lo grand empont, los estanquets, los stands de las entrepresas e dels collectius del país e un fum de mond. Qualques eveniments se debanaràn dins d’autres endreches de la capitala de Roergue.
De remarcar los concèrts de Zebda, Massilia, Goulamas’K, La Mal Coiffée, Moussu T e lei Jovents, Mascarimirí, Lou Seriol, Feliu Ventura, Patric, Combi-Quenehen-Palis, Jan dau Melhau, Castanha e Vinovèl, Hum, L’Escabòt, Lou Dàvi & Pythéas, Entre 2 Aguas, Fòrabandit, Gaël Hémery, La Péiro Douso, La Clèda, Grail’Òli; entre fòrça d’autres.
Cal soslinhar la nòva formacion O.K! Brigada Internacional que serà benlèu la revelacion d’ongan. S’agís d’una formacion de musicians occitans e catalans que balhan de ritme e de fèsta a las cançons mai conegudas de las doas nacions.
L’Estivada convida dempuèi d’annadas ja d’artistas catalans mas ongan la Generalitat de Catalonha e la mairia de Rodés an signat un acòrdi de cooperacion. Pel moment se pòt remarcar que la lenga catalana es tanben presenta sul sit web de l’eveniment.
Al delà dels concèrts, los balètis, las conferéncias, lo teatre, las animacions, las performances, las seradas de poesia e de literatura e del cabaret de cada ser; lo festenal interregional de las culturas occitanas acuelh ongan lo cicle de cinèma occitan ‘La Llanterna Digital’.
En mai, al delà de la television de l’estivada EsTv, menada a tèrme per la còlha de Dètz, cada còp mai professionals, lo festenal comptarà ongan amb Es Ràdio, la ràdio de l’eveniment, menada a tèrme pels collègas de la FIMOC.
Se volètz èsser informats a la minuta, La Setmana vos fa partejar l'Estivada en dirècte. Trobaretz cada jorn un article detalhat e d'entrevistas d'escotar. Al delà, per Twitter s'informarà del debanament de la fèsta. Ràdio País e Ràdio Occitània raportaràn sus l'Estivada sus plaça cada jorn en dirècte de 18h a 20h. La còla de Jornalet i serem tanplan.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En plena libertat, e aprèp una jornada a Rodés, vos podrai indicar mantunas causas, per debutar, cal pas far fisença a las cartas d'un restaurant del centre vila, perqué l'aligòt es pas bon e car ! (es en fçcia l'arrest de bus B a costat de la catedrala - cal èstre precis)
Se tot se debana plan vos ne dirai mai en candidat a la critica sul terrenh ....
Tristesa d'i poder pas estar. Bona Estivada!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari